پہلی بار میرے رخسار پر تمہارے نام کا آنسو اس دن گِرا تھا
جب شہر میں جاڑے رُت کی پہلی برف گِری تھی
جھروکے سے پردے ہٹانے پر
برف سے میری آنکھ لڑی تھی اور تم یاد آئے تھے
میرے گال پر تمہارے آنسو کا ذائقہ
اس خوشبودار موم بتی کے جیسا تھا
جو رات خوابوں کے جنگل میں
کوئی اپنے کسی پیارے کی قبر کے سرہانے
روشن کر کے گیا تھا
رونے سے آنکھیں خالی ہو جاتی ہیں
جلنے سے موم دھواں ہو جاتاہے
برف شام تک گِرتی رہی تھی اور تم نہیں آئے تھے