o
کسی لوحِ صندلیں پر ترا نام لکھ کے دیکھوں
کوئی یاد لکھ کے دیکھوں کوئی کام لکھ کے دیکھوں
کہیں دل کی کھلبلی میں، ترے دھیان کی گلی میں
کہیں صبح لکھ کے دیکھوں کہیں شام لکھ کے دیکھوں
کہیں سبز بادلوں پر، سرِ صبح ساحلوں پر
ترا اسم لکھ کے دیکھوں کہ پیام لکھ کے دیکھوں
کسی موجِ سیم تن پر، کسی غنچہئ سخن پر
کوئی حرف لکھ کے دیکھوں کہ کلام لکھ کے دیکھوں
کسی سبز سر بہ سر میں کسی وسعتِ نظر میں
درِ یار لکھ کے دیکھوں لب بام لکھ کے دیکھوں
لبِ سرخ نقش کردوں کبھی بابِ میکدہ پر
تیری چشمِ نیم وا کو سرِ جام لکھ کے دیکھوں