قسمتِ ہجریاب میں لُطفِ ِعتاب تک نہیں
ٹوٹا ہے ِکتنی بار دل، تَابِ حِساب تک نہیں

مرحلہء حیات و غم طے نہ ہوا کہ آخرش
خُم میں شراب تک نہیں، آنکھ میں خواب تک نہیں

ٹھہریں گے تیرے شہر میں ہم بے قرار کب تک
دستِ جُنوں شناس میں سنگِ عِتاب تک نہیں

دستِ صنم تراش ہے معجزہ گرَ بہت مگر
دامنِ عِجز میں ِمرے خاکِ خراب تک نہیں

پہنچیں کے قافلے کہاں دَشتِ سِتَم نصیب کے
منزِلیں بے نشاں ہوئیں وِہمِ سراب تک نہیں