وہ خواب جو کسی اور آنکھوں نے دیکھ رکھا ہو
وہ منظر جہاں دو ہاتھ جدا ہوئے
یا ایسی جگہ جہاں خودکشی کی گئی ہو
ڈوبتی کشتیاں
روتی لڑکیاں
بارش کے وقت پرانی تصویریں
اور
باپ کی نم آنکھیں
میں نہیں دیکھ سکتا۔۔۔۔۔۔
جانے والے کا آخری مصافحہ
دریا کنارے ٹوٹی کشتی
پانی میں تیرتی لاشیں
وہ قبریں جن پہ سایا نہیں ہوتا
مقفل حویلی
کھیتوں میں لگی آگ
میں نہیں دیکھ سکتا۔۔۔۔۔
چنبیلی کا پاؤں تلے آنا
کوڑے دان میں پھینکی گئی محبت
ایش ٹرے میں جھاڑے گئے وصل کے دن
سٹوڈنٹ کی خالی جیب
فلائنگ کسس
فٹ پاتھ پہ پڑی کتابیں
مجبور شخص کی مسکراہٹ
ایسا گلاب جو کسی نے ٹھکرایا ہو
نظر انداز شخص
اور تمھارا
ہاتھ کسی اور کے ہاتھ میں