ویلے نوں صد کس ماریا اے

یہ تحریر 128 مرتبہ دیکھی گئی

ویلے نوں صد کس ماریا اے
ہ………… ہ…………. ہ…………ہ
۔۔۔۔۔۔۔۔ ۔۔۔۔۔۔۔۔۔۔۔ ۔۔۔۔۔۔۔۔۔ ۔۔۔۔۔۔۔۔

ویلے دی اَکھ چُبھی
رَت دے تَھل چَھل ماری تے اسمانیں رَتّڑ کِھلر گئی
ویلے نوں سَد کیس مارنا ایں
بیٹھے ہوئے سَگھ دے سَد کول پَدھ ای تاں نَئیں ہُندا
مَینوں جَھٹ کو کلَا چَھڈ دیو
چِٹیاں کُونجاں دی ڈار جَدوں سُفنے دا بنیرا اُلانگنا ایں
چِت دے بوہے آپ ای کھڑک جانا ایں
میرا کَھگدا پِنجر
بَھنے ٹرَنگ آنگ کھڑکدا ای راہندا اے
بھانویں کُجھ گَھتو، بھانویں کَڈھو
ساہ دے بھا دِیاں کوئی اَج ای نئیں بنیاں
جیون،
پوہ دی وا تے
جیٹھ دی لو دے وِچکار پھاتھا
مُڑکے ماریا مُسھڑ دا نِکھار اے
ایہو اَزلاں تے اَبداں دا وِچکارلا سَنھ
سُکے روای دی کرماں ساڑی کُکھ دا دُکھ
نرا کَڈھیاں دا ساڑ
جِنہوں اَسمانیں رَتّڑ وی ساوا نئیں کردی
کڑمی رَتّڑ توں یاد آیا
ویلے نوں سَد کِس ماریا اے؟