جمع تھے خوباں بہت لیکن پسند اس کو کیا
کیا غلط میں نے کیا اے میرؔ وقت انتخاب

میرؔ کا مطالعہ، دل کے دشت میں سفر کرنے جیسا ہے۔ میرؔ کے جہانِ معنی میں داخل ہونے کا دروازہ کھولتے ہی قاری احساس و اظہار کے بے کنار صحرا میں اتر جاتا ہے، جہاں ہر شعر ایک نیا منظر اور ہر لفظ ایک نیا جہان دکھاتا ہے۔اردو شاعری کے محسنِ اوّل، خدائے سخن میر تقی میرؔ کی حیات، فن اور فکر پر لکھی گئی 25 مستند و معتبر کتب کی فہرست پیشِ خدمت ہے۔

مرتب:
ڈاکٹر حسن رضا اقبالی
(استاذ ادبیات اردو گورنمنٹ گریجوایٹ کالج اوکاڑا)

1۔رسالہ نیرنگ میر نمبر
(مطبع سعیدی رام پور 1928ء)
مدیر:عزیز اللہ خاں عزیز

2۔فلسفہ میر
(جنرل پبلشنگ اینڈ پرنٹنگ ہاوس سیتا پور 1936ء)
صفدر آہ

3۔میر حیات اور شاعری
(انجمن ترقی اردو علی گڑھ 1954ء)
خواجہ احمد فاروقی

4۔نقد میر
(آئینہ ادب لاہور 1958ء)
ڈاکٹر سید عبداللہ

5۔دلی کالج میگزین میر نمبر
(کوہ نور پریس دہلی 1962ء)
مرتبہ: نثار احمد فاروقی

6۔تلامذہ میر
(کوہ نور پریس راولپنڈی 1965ء)
امداد امام صابری

7۔افکار میر
(لبرٹی آرٹ پریس دہلی 1967ء )
مرتبہ :ایم حبیب خان

8۔حدیث میر
(آل انڈیا میر اکیڈمی لکھنو 1967ء )
مرتبہ:مقبول احمد لاری

9۔میر اور میریات
(اجمل پریس بمبئی 1972ء )
صفدر آہ
10۔تلاش میر
(مکتبہ جامعہ لمیٹڈ جامعہ نگر دہلی 1974ء)
نثار احمد فاروقی

11۔میرتقی میر (حیات اور شاعری)
(ادارہ ادب و تنقید لاہور 1980ء)
ڈاکٹر عبادت بریلوی

12۔کار گہہ شیشہ گری
(جے کے آفسیٹ پرنٹرز دہلی 1982ء)
حامدی کاشمیری

13۔رسالہ نقوش میر نمبر
(3 جلدیں)
(ادارہ فروغ اردو لاہور 1980ء تا 1983ء)
مدیر :محمد طفیل

14۔میر کی شعری لسانیات
(نشاط پریس ٹانڈہ فیض آباد یوپی 1983ء)
قاضی افضال حسین

15۔محمد تقی میر
(ایجوکیشنل پبلشنگ ہاوس دہلی 1983ء)
ڈاکٹر جمیل جالبی

16۔رسالہ آجکل میر نمبر
(اردو پبلی کیشنز ڈویژن نئی دہلی 1984ء)
مدیر:راج نرائن راز

17۔اسلوبیات میر
(ناز افسیٹ ورکس ایجوکیشنل پبلشنگ ہاوس دہلی 1985ء)
ڈاکٹر گوپی چند نارنگ

18۔شعر شور انگیز
(4جلدیں)
(قومی کونسل برائے نئی دہلی 1990ء تا 1994ء)
ڈاکٹر شمس الرحمن فاروقی

19۔میر
(پاکیزہ آفسیٹ شاہ گنج پٹنہ 1995ء)
قاضی عبدالودود
20۔میر تقی میر عالمی سیمینار
کینیڈا ایلائڈ ٹریڈرس دہلی 2000ء
مرتبہ:ڈاکٹر اطہر رضوی

21۔میر اور مثنویات میر
(ایجوکیشنل پبلشنگ ہاوس دہلی 2003ء)
وہاب اشرفی

22۔میر تقی میر (میر شناسی منتخب مضامین)
(مقتدرہ قومی زبان پاکستان 2010ء)
مرتبین ڈاکٹر تحسین فراقی،ڈاکٹر عزیز ابن الحسن

23۔دیدنی ہوں جو سوچ کر دیکھوں
(میر حیات اور غزل ، میر ماسوائے غزل) (دو جلدیں)
(براون بک پبلیکیشنز پرائیویٹ لمیٹڈ نئی دہلی 2014ء)
مرتبہ: ڈاکٹر ریشماں پروین

24۔جسے میر کہتے ہو صاحبو
(مطالعات میر)
(دارالکتاب لاہور 2019ء)
ڈاکٹر اسلم انصاری
25۔سرہانے میر کے
(مکتبہ جمال اردو بازار لاہور 2021ء)
احمد جاوید

اس فہرست میں میر پر مختلف رسائل کے خاص نمبروں ،منتخب مضامین کے مجموعوں اور مدونین کلیات میر کے مقدموں میں مولانا محمد حسین آزاد،مولانا شبلی نعمانی، امداد امام اثر،مولوی عبدالحق ،ابو محمد سحر، یوسف حسین خان،قاضی عبدالستار ،مولانا عبدالسلام ندوی، مسیح الزمان ،شوکت سبزواری، سلیم احمد ،کلیم الدین احمد ،جعفر اثر لکھنوی ،سید احتشام حسین ،عبدالباری آسی،
وحید الدین سلیم ،حسن عسکری،
مجنون گورکھپوری، حامد اللہ افسر ،
علی سردار جعفری،اختر اورینوی،
وارث علوی ،مالک رام،انتظار حسین ،عبدالمغنی ،نیر مسعود ،حنیف کیفی،اختر علی تلہری ،تنویر احمد علوی،ناصر کاظمی،خلیل الرحمان اعظمی، نور الحسن ہاشمی،ظ۔انصاری،ابو اللیث صدیقی،محی الدین قادری زور،گیان چند جین،میرزا ادیب،مسعود حسن رضوی ادیب،ابوالکلام قاسمی،
شارب ردولوی ،ڈاکٹر سلیم اختر،
قاضی افضال حسین،شمیم حنفی،محب عارفی ،ڈاکٹر سلامت اللہ خاں ،حامد اللہ افسر ،کلب علی خان فایق اورعبدالمنان بیدل کے گرانقدر مضامین و مقالات شامل ہیں۔

تذکرے سب کے پھر رہیں گے دھرے
جب مرا انتخاب نکلے گا