دل جو کھویا ہے ڈھونڈتا ہے مجھے
وقت نے جانے کیا کیا ہے مجھے

میں کسی روز جان دے دوں گا
تو جو اس طرح دیکھتا ہے مجھے

اس نے مجھ کو کبھی نہ جینے دیا
جس نے ہر دور میں جیا ہے مجھے

میں کہ اک سوکھا پیڑ تھا کوئی
تو نے سر سبز کر دیا ہے مجھے

میں اکیلا تھا اور خالی تھا
تیری آنکھوں نے بھر دیا ہے مجھے

میں لباس ـ خیال تھا تو نے
کچھ ادھیڑا ہےکچھ سیا ہے مجھے

جو خوشی بھی ملی ہے تجھ سے ملی
تو نے یہ درد بھی دیا ہے مجھے

کسی اپنے سے مل کے رونا تھا
تو نے مجبور کر دیا ہے مجھے