کالے بادلوں کے ماتھے سے ٹھنڈٰی شام
قطرہ قطرہ جب میرے آتشیں سینے پہ گِری
تو جنگل میں کوسوں کوسوں آگ لگی
اورسمندروں نے اپنا قبلہ رخ بدل لیا
ایسے میں تسکینِ دل کے واسطے
پیاس نے تخئیل کا پیالہ بنایا
اور نظموں میں جزبے، جزبوں میں نظمیں بھرنے لگی
پیاسے جزبے کی خواہش زدہ نظمیں
تیرا نام لے کے، خدا کی دھرتی سے، مِٹی کے صدقے،
تیرا ساتھ مانگیں، تیرا ہاتھ مانگیں
تْو جو دھرتی کا مہاویر ہے
ناری کے جیون میں راہگیر ہے
یہ جانت ہے دنیا، یہ مانت ہے منطق
مگر پھر بھی ہر چند
پیاسے جزبے کی خواہش زدہ نظمیں
تیرا نام لے کے، خدا کی دھرتی سے، مِٹی کے صدقے،
تیرا ساتھ مانگیں، تیرا ہاتھ مانگیں!