وقت اک ایسا پیڑ کہ جس کی
شاخیں ہری سجیلی
چھاؤں گھنی اور ٹھنڈی ، شیتل
غم کی دھوپ سے بچنے کو اس پیڑ کا لیا سہارا
تب جا کر ادرک ہوا۔۔۔
کہ میرا حصہ
پیڑ کے پتے، پھول اور پھل
کچھ بھی تو نہیں
کچھ بھی تو نہیں
پھر بھی تھی دامن پھیلائے
پیڑ کے سائے سائے
آس ہی تھی کچھ لمحے ہوں
تو دامن بھر لوں
اور اچانک اک دن یونہی
پیڑ سے ٹوٹا بس اک لمحہ
پیڑ سے ٹوٹ کے اس آنچل میں آن گرا ہے
بس اک ٹوٹا لمحہ۔۔۔
تب سے میں یہ سوچ رہی ہوں ۔۔۔۔۔۔۔
وقت کی شاخ سے میرا حصہ
بس اک ٹوٹا لمحہ ..!؟!..