فلاں شاعر شرابی ہے بھنگی ہے عورتوں پہ دل پھینک ہے لیکن اچھا تخلیق کار ہے ہمیں اس سے کیا ہے کہ وہ جیسا بھی ہے بھئی اس کے افسانے اس کی شاعری کمال ہے
ہمیں اس کی شاعری سے غرض ہے کسی مسجد کا پیش امام تھوڑی نہ لگوانا ہے
کردار کی بات کی جاوے تو یمن کے بچوں پہ ظلم ڈھانے والے انہیں ہر گھنٹے قحط سے مارنے والے خانہ خدا کے محافظ ہیں ۔۔۔
اچھا آجکل ایک اور معروف ناول نگار اور شاعر جن کا ہندوستان اور پاکستان میں بڑا نام ہے بڑے غصے والے بڑی لمبی زبان والے ہیں کوئی بھی چھوٹا شاعر ان سے گالیاں سنے بغیر بڑا شاعر یا ادیب نہیں بن سکتا ۔
ایک طرف اس کو گالیاں دینے سے رُکتے بھی نہیں ساتھ ہی ساتھ چوری چپکے اس کی کوٹھی والے ناول بھی پڑھتے ہیں اور لمبا سانس لیکر اعتراف بھی کرتے ہیں میاں جو بھی ہے اُس کی شاعری کمال ہے وہ شاعر اچھا ہے۔
اور موصوف خود ہی تو کہتے ہیں اچھا تخلیق کار ہی اچھا ناقد ہوسکتا ہے ہم بھلا کس کھیت کی مولی یا گاجر ٹھہرے کہ ایک شعر تو ڈھنگ سے لکھ نہ پائے ایک اچھی لائن کھینچ نہ پائے اور چلے ہیں تنقید کرنے ۔۔۔
اب بات کرتے ہیں ضمیر اختر نقوی کی۔
ان کی اُتنی ہی عمر ہے جتنی پاکستان میں مرثیہ میں جدت کی ۔بر صغیر میں مرثیہ نگاری کا سفر آغاز سے اب تلک جس شخص نے دیکھا بلکہ جس کی آنکھوں کے سامنا یہ سلسلہ بام عروج پہ پہنچا وہ ضمیر اختر نقوی ہی ہیں۔
آپ بھلا اُن کی ممبر پہ بیٹھ کر بڑی بڑی باتیں سُن کر لطف اندوز ہوتے ہوں اب کورونا کے تدارک بارے اُن کا دعوی سن کا مزاق اڑاتے ہوں لیکن اور کچھ نہیں تو اُن سے یہ دل آوری اور باتیں کرنے ہی سیکھ لیجئیے یہ بھی تو ایک فن ہے
اور رہی بات کہ مجھے آخر کیوں ضمیر اختر نقوی پسند ہیں تو اس کی ایک ہی وجہ ہے کہ ان کا مرثیہ نگاری میں کام بہت زیادہ ہے جس کا مجھے اعتراف ہے اس کی بڑی وجہ میری مرثیہ میں دلچسپی ہے۔
ضمیر اختر نقوی نےتاریخِ مرثیہ نگاری ترتیب دی ہے۔ اور بیس ہزار صفحات کی سترہ جلدیں مختلف ادوار اور موضوعات پہ مبنی ہیں اس میں تمام زبانوں کے مرثیے شامل ہیں۔ پہلی جلد عربی مرثیہ نگاروں پر ہے۔
شبلی نعمانی نے موازنہ انیس و دبیر میں لکھا کہ عرب میں امام حسین پر مرثیے نہیں لکھے گئے۔ تو ضمیر اختر نقوی نے غلط ثابت کرتے ہوئے بتایا کہ ہزاروں کی تعداد میں مرثیے لکھے گئے۔ ایران کے آیت اللہ عبدالعزیز طباطبائی مرحوم کی عنایت کردہ شعرائے طف کے نام سے عربی مرثیے کی آٹھ جلدیں اس میں شامل ہیں.
مرثیہ نگاری میں ایک منفرد اور خاص کام اردو میں سامنے آیا ہے جس کی پہلے مثال نہیں ملتی۔ یہ تو ہوگا۔