گھر کی اور گھر کی حفاظت میں کھڑی دیوار کے
درمیاں میں ایک مکڑی کا جالا ہے
ایک دیوار بارش میں گیلی اور
دوسری کے سر پر منڈیر کا سایہ ہے
پیڑ سے پتے جھڑ کر جالے میں اٹک گئے ہیں
منڈیر کے کناروں سے پانی کے قطرے پھسل کر
پتوں سے لٹک گئے ہیں
روشنی کے گزر نے جالے کو آئینہ
اور قطروں کو فانوس بنا دیا ہے
دو پتھر کی دیواروں کو ملانے والا پل
گویا کانچ کا ہو گیا ہے
بارش میں ایک منظر
یہ تحریر 413 مرتبہ دیکھی گئی