وقت کے صحرا میں جِتنی ریت ہے
سب پھانک لی
راستوں کے بَر سے عُمریں ماپ لیں
دوریوں کا سَم پروں میں بَھر لیا
وسعتوں کو آنسووں پر جَر لیا
پانیوں کا جُل زمانہ ساز ہے
ساحلوں کی چُپ، خدا کے راز ہے
پَنچھیوں کا شور،
ساگر ڈَر گیا
موتیوں سے سَبز ساحل بَھر گیا
ٹاپووں پر روشنی ہونے لگی
رِزق جن کا تھا مگر، سوئے رہے
جَب صدائیں کھو گئیں
مَت چَونکئے
ریت ہوتے پتھروں سے پوچھئے
میں وہیں پر نَغمہ خواں تھا
جِس جگہ
کھوجنے والوں نے چُپ اِیجاد کی
اب وہاں لَو ہے مِری فریاد کی