سجنوں تے متروں آج فیر لہور دیاں کج گلاں باتاں تہانوں دسیے ۔ اے جیہڑا آج دا لہور اے اے آپ جیویں نواں جمیاں اے ۔ گول گتیرے وچ لشکدی بھوندی سڑک جندا ناں اے رنگ روڈ لہور نوں ولی کھلی اے۔ بار وی لہور تے رنگ دے اندر وہ لہور ۔ گجومتہ تو شاہدرے تکر بڑی سوہنیاں بساں چلدیاں نے ناں تے کج ہور سی پر جنگلہ بس اکھیندی اے ۔ انہاں بساں وچ کھلون دی تھاواں بہتیاں تے بین دیاں کوئ کلیل نیں ۔ تے نالے اپنے بوجھے سانب کے رکھنے پیندے نے ہر بس وچ گھٹوں گھٹ دوتین جیباں کٹن والے تے ٹھگ ضرور ہندے نے ۔
اک مالٹے رنگ دی ریل گڈی بڑی سوہنی چلدی اے کوئ ادھے کو شہر اچ سواریاں لاندی چڑھاندی فردی اے ۔
لوکاں دی آسانی لئ چنک چی رشکہ ساریاں چوکاں تو مل جانداں اے ۔ ہوا کھاندے جاو تے ٹری جاو ۔
سکولاں کالجاں نوں گننے لگو تے تھک جاو ۔
ہوٹلاں دا تے پچھو ای نا ۔ ایک تو ایک ودھیا تے ون سونا ۔بس تہاڈی جیب وچ پیسہ ہونا چاہی دا ۔
سنیمے وی تھاں تھاں کھلے نے ۔ بار لے ملکاں دیاں فلماں ویکھو تے روٹی شوٹی کھاو تے موج مستی کرو ۔
چڑیا گھر اوتھے ای ہے تے قلعہ نالے بادشاہی مسجد وی تے شالامار باغ وی ۔
لہور دے موسماں دا کچھ اے ہویا کہ او بوندل گئے نے ۔ اناں نوں پتہ ای نئ لگیا کی بنڑی اناں دے نال ۔چار دی تھاں ہنڑ کنے وڑے موسم نے ۔اٹھاں دساں دناں دا وکھرا موسم ماگھ تے پھگن وچ سکا پالا پیندا اے لگدا اے کتے سیاچن تے پہنچ گئے آ ں . چیتر تے وساکھ اچ کدی پھل کھڑدے تے میلے بسنت ہوند ی او ایڈے کو سکی گرمی پیندی اے کنکاں پکن دی تھاں دانے سک جاندے نیں تے ہنیریاں امباں دا بور ٹکن ای نہیں دیندیاں ۔پر لہور وچ کتھے کنکاں تے کتھے امباں دے باغ ۔ جیٹھ ہاڑ ساڑ کے سواہ کرچھڈدا اے ساون بھادوں تے اسو امس تے مچھراں نال لنگدے نے ۔ مینہہ جدوں وسدا اے تے لہور دیاں روڑیاں تے گندے نالیاں دا پانڑی گھراں نوں ڈوب دیندا اے۔ فر ڈینگی مچھراں دی فیکٹریاں چالو ہوندیاں ۔
کاتک مگھر تے پوہ ایک نواں موسم جندا ناں سموگ ۔ ایہہ لہوریا دس سکدا اے یا لہور آن والا سموگ کی بلاں اے ۔ آکھاں وچ ساڑ ، بو اینی ناک بٹیندا اے تے نال چار چفیرے وا بگولے، گلی لکڑاں دا دھوں تے حقے دا دھوں ، ساہ لیئے تے گل گھوٹو پیندا اے ۔کج دساں سالاں تو اے مصیبت پئ اے جیہڑی ودھدی جاندی اے ۔
سارا لہور اتھل پتھل ہویا پیا اے تے سموگ تو بچانڑ لئ بچیاں دیاں اسکولوں چھٹیاں تے او وچارے گھراں وچ ڈھکے پئے نیں ۔
باغاں دے شہر لاہور نوں نواں بنادے بنادے وگاڑی بیٹھے آ ں ۔
ہک ہا کی کی دسیے
پر فیر وی نئیں ریجاں شہر لہور دیاں ۔