ہر طرح کی دُعا ، ہر درود و سلام
سیّدہ فاطمہؑ پر درود و سلام
جانیے اہلِ بیتِ نبیؑ کا مقام
پڑھیے پھر زندگی بھر درود و سلام
یہ خُدا اور ملائک کی سُنّت بھی ہے
دِل سے پڑھتے رہیں گر درود و ‏سلام مومنو مانگ لو جو بھی درکار ‏ہے
‎ ‎رحمتوں کا ہے یہ گھر ، درود و سلام
جن کے خیمے جلاتے رہے کلمہ گو
جن کے نیزوں پہ تھے سر، درود و ‏سلام‎ ‎
آدمی چل پڑے راہِ شبّیرؑ پر
‎ ‎پھر کہاں موت کا ڈر ، درود و ‏سلام
غیر مُبہم ، بہادر ، سخی ، بااُصول
باغِ حق کے گُلِ تر درود و سلام
وجد میں ہیں ملائک ، صحابہ ، رُسل
پڑھتے ہیں کیا ابوذرؓ درود و سلام
ہے کسی اور کا اِس سے تقابُل حرام
خاندانِ نبیؑ پر درود و سلام
(ڈاکٹر بلال سہیل)