دل کھسنا ایں

یہ تحریر 60 مرتبہ دیکھی گئی

نہ میرا ماہنگا،
نہ میرا سوہنا دل نہ لوڑیں
دل دے کُجڑے ڈر دا زر ہئی
دل نئیں کڑما دکھ دا گھر ہئی
اس ڈر دی پرانہہ بیڑی بوڑیں
دکھ نہ لوڑیں

دل دے ویہڑے قبرا‍ں وی ہن
سدھراں وی ہن
تینوں اس دیاں خبراں کوئی نئیں
قدراں کوئی نئیں
تینوں کوئی نئیں غزضاں تھوڑیں
توں میرا ماہنگا دل نہ لوڑیں

دل کملا تاں رب دا گھر اے
ایسے دوارے لوبھ دا پھر اے
سوگ ہجر اے
لابھ توں ڈکیں لوبھ توں ہوڑیں
رب نہ لبھیں راہ نہ چھوڑیں

دل شیشہ ہے
شیشہ بن کے
ٹٹ نہ جاویں
کچ نوں
کھروا ہتھ نہ لاویں
توڑ نہ باہویں
توڑ کے کچ نہ
ول پچھتاویں
چھوڑیں لاہنجا
لاہنجا چھوڑیں دل نہ لوڑیں